హైద‌రాబాద్: మల్లారెడ్డి గ్రూప్ ఆఫ్ ఇనిస్టిట్యూషన్స్, మల్లారెడ్డి హెల్త్ సిటీ చైర్మన్ సీహెచ్ భద్రరెడ్డికి అరుదైన గౌర‌వం ద‌క్కింది. వైద్య, విద్య రంగంలో ఆయన అందించిన అశేషమైన సేవలకుగాను ఆయనకు ఇండియన్ హెచ్‌వర్సే అవార్డ్ అందించి స‌త్క‌రించారు. మల్లారెడ్డి గ్రూప్ ఆఫ్ ఇనిస్టిట్యూషన్స్ మల్లారెడ్డి హెల్త్ సిటీ ద్వారా ఎంతో మంది విద్యార్థులకు విద్యనందిస్తూ, ఎంతోమందికి వైద్య సహకారాలు అందిస్తూ ఎనలేని సేవలు చేస్తూ ఉన్నార‌ని ఈ సంద‌ర్భంగా వ‌క్త‌లు కొనియాడారు. ఈనెల 28న ఇంటర్ ఆక్టివ్ ఫారం ఆన్ ఇండియన్ ఎకానమీ ద్వారా న్యూఢిల్లీలోని హయత్ రెజెన్సీలో జరిగిన కార్యక్రమంలో కేంద్ర మంత్రి నితిన్ గడ్కారీ చేతుల మీదుగా అవార్డుని అందుకున్నారు.
డా. సీహెచ్ భద్రరెడ్డితో పాటు సినీ, క్రీడా రంగాలకు సంబంధించిన ప్రముఖులకు, సామాజిక సేవ చేస్తున్న పద్మశ్రీ అవార్డు గ్రహీత గౌరవ్ ఖన్నా, పద్మభూషణ్ అవార్డు గ్రహీత సత్పాల్ సింగ్ వంటి ప్ర‌ముఖుల‌ను స‌త్క‌రించారు.
