హైదరాబాద్: దేశవ్యాప్తంగా వేగంగా అభివృద్ధి చెందుతున్న మెట్రో నగరాల్లో హైదరాబాద్ ప్రత్యేక స్థానాన్ని దక్కించుకుంది. ఐటీ, ఫార్మాస్యూటికల్, హెల్త్‌టెక్ రంగాల్లో విస్తృతంగా అవకాశాలను కల్పిస్తున్న ఈ నగరం, భౌగోళికంగా ఔటర్ రింగ్ రోడ్ (ఓఆర్ఆర్), మల్టీ మోడల్ కనెక్టివిటీ, మెట్రో విస్తరణ వంటి మౌలిక వసతులతో రియల్ ఎస్టేట్ రంగానికి బలమైన వెన్నెముకగా నిలుస్తోంది.
ఈ వేగవంతమైన అభివృద్ధి నేపధ్యంలో హైదరాబాద్ రియల్ ఎస్టేట్ రంగంలో మరో ఐకానిక్ అధ్యాయం ప్రారంభమైంది. జీహెచ్ఆర్ ఇన్‌ఫ్రా, లక్ష్మీ ఇన్‌ఫ్రా, అర్బన్ బ్లాక్స్ రియాలిటీ సంస్థలు కలిసి రూ. 3,169 కోట్లు విలువైన మెగా రెసిడెన్షియల్ ప్రాజెక్ట్ – ‘ది కాస్కేడ్స్ నియోపోలిస్’ను ప్రకటించాయి.
63 అంతస్తుల్లో గగనతల గౌరవం
ఈ ప్రాజెక్ట్ విశేషతలే వేరు. నగర శివార్లలో 7.34 ఎకరాల విస్తీర్ణంలో నిర్మించబడుతున్న ఈ ప్రాజెక్ట్‌లో 63 అంతస్తులతో కూడిన ఐదు సుపర్ టవర్లు, 217 మీటర్ల ఎత్తుతో, 1,189 లగ్జరీ అపార్ట్‌మెంట్లు ఏర్పాటు చేయనున్నారు. ప్రతి అపార్ట్‌మెంట్ 2,560 చ.అ. నుంచి 4,825 చ.అ. విస్తీర్ణంతో ఉండగా, ఫ్లెక్సిబుల్ లేఅవుట్స్‌తో ఆకర్షణీయంగా డిజైన్ చేశారు.
ప్రత్యేకంగా 54వ అంతస్తులో ప్రైవేట్ స్విమ్మింగ్ పూల్స్, అత్యంత ఎక్స్‌క్లూసివ్‌గా 10 పెంట్‌హౌస్‌లు నిర్మించబడి ఉండటం ఈ ప్రాజెక్ట్‌ను నిజమైన లగ్జరీ లివింగ్ సింబల్‌గా నిలిపే అంశం.
స్మార్ట్ లివింగ్‌కు స్మార్ట్ ఆలోచనలు
పర్యావరణ హితత్వం, ఆరోగ్యకర జీవనశైలిని దృష్టిలో ఉంచుకుని ప్రాజెక్ట్‌కు సంబంధించిన ఆర్కిటెక్చర్‌ను అత్యున్నత స్థాయిలో రూపకల్పన చేశారు. స్మార్ట్ హోమ్ టెక్నాలజీ, గ్రీన్ బిల్డింగ్ కాన్సెప్ట్స్, ప్రీమియం క్లబ్‌హౌజ్, స్కై లౌంజ్, యోగా డెక్స్, వాక్ ట్రాక్స్ వంటి అనేక ఆధునిక హంగులతో కూడిన ఈ ప్రాజెక్ట్, అర్బన్ లైఫ్‌స్టైల్‌కు నిజమైన ప్రమాణంగా నిలవనుంది.
ప్రతి అపార్ట్‌మెంట్ ప్రారంభ ధర రూ. 3 కోట్లుగా నిర్ణయించబడగా, ప్రాజెక్ట్‌ను 2030 మార్చి నాటికి పూర్తి చేసి స్వాధీనం కోసం సిద్ధం చేయనున్నట్టు డెవలపర్లు వెల్లడించారు.
నూతన జీవనశైలికి చిరునామా
‘ది కాస్కేడ్స్ నియోపోలిస్’ హైదరాబాద్‌కు ఒక కొత్త గుర్తింపును తీసుకురానుంది. లగ్జరీతో పాటు పర్యావరణపరమైన సమతుల్యతను ప్రాధాన్యతగా తీసుకున్న ఈ ప్రాజెక్ట్, మెట్రో జీవనశైలిని ఆస్వాదించాలనుకునే వారికి సంపూర్ణ హైఎండ్ రెసిడెన్షియల్ అనుభవాన్ని అందించనుంది.
